વેલેન્ટાઇ ડેના દિવસે ધ ફ્રૂટ કાર્ટ દ્વારા 1000થી વધુ ફ્રૂટ ડીશનું વિતરણ ગરીબ અને ઝુંપડપટ્ટીના લોકોને કરાશે

રાજકોટ શહેરમાં અમીન માર્ગ પર આવેલા ધ ફ્રૂટ કાર્ટને આગામી 14 ફેબ્રુઆરીના દિવસે ત્રણ વર્ષ પૂર્ણ થવા જઈ રહ્યા છે. ભાઈ અને બહેનના એક વિચારથી ત્રણ વર્ષ પહેલાં ધ ફ્રૂટ કાર્ટની શરૂઆત કરવામાં આવી હતી જેને રાજકોટવાસીઓએ પણ જબરો પ્રતિસાદ આપ્યો હતો. 14 ફેબ્રુઆરીએ ત્રણ વર્ષ પૂર્ણ થતાની ખુશીમાં પૂજન વોરા અને પ્રણાલી વોરા દ્વારા એવું નક્કી કરાયું કે આ દિવસની ઉજવણી ગરીબ અને જરૂરિયાતમંદ લોકોને મદદ કરીને કરવામાં આવે. તેના જ ભાગરૂપે આગામી બુધવારે ધ ફ્રૂટ કાર્ટ દ્વારા 1000થી વધુ ફ્રૂટ ડીશનું વિતરણ ગરીબ અને ઝુંપડપટ્ટીના લોકોને કરવામાં આવશે. 14 ફેબ્રુઆરીએ વેલેન્ટાઇન ડે પણ છે અને સાથે ધ ફ્રૂટ કાર્ટને ત્રણ વર્ષ પૂર્ણ થઈ રહ્યા છે. વેલેન્ટાઇન ડેની ઉજવણી આમ તો કેક કટિંગ, પાર્ટી જેવા તામજામ સાથે થતી હોય છે પરંતુ પૂજન વોરા અને પ્રણાલી વોરા બંને ભાઈ બહેનએ કંઇક અલગ કરવાનો વિચાર કર્યો છે.