રાજકોટ: આઇકોન ગોલ્ડ બિલ્ડીંગમાં સ્થાનિક રહેવાસીઓને તથા સ્કુલના બાળકોને ફાયર સેફ્ટી અંગે તાલીમ અપાઇ

રાજકોટ મહાનગર પાલિકા ફાયર અને ઈમરજન્સી સર્વિસીઝ દ્વારા રાજકોટ શહેર વિસ્તારમાં આવેલ હાઇરાઇઝ બિલ્ડીંગમાં લગાવવામાં આવતી ફાયર સેફટીના સાધનો જે બિલ્ડીંગમાં રહેતા લોકોને જાગૃતી માટે તા.૦૪/૦૭/૨૦૨૩ નાં રોજ આઇકોન ગોલ્ડ બી ૧ + બી ૨, રૈયા રોડ, કેરલા પાર્ક, રાજકોટ ખાતે ફાયર સેફટીની મોકડ્રીલનું આયોજન કરવામા આવેલ, આ મોકડ્રીલમાં અંદાજે ૫૦ થી ૬૦ રહેવાસીઓ જોડાયેલ. તેમજ સ્કુલના ૧૩૦ બાળકોને મવડી ફાયર સ્ટેશન ખાતે ફાયરના સાધનો બતાવેલ તેના વિશે માહિતી આપેલ તેમાં સ્ટેશન ઓફિસર યોગેશ જાની,જયેશ દાણી ધારિયા લીડીંગ ફાયર મેન તથા સ્ટાફ અને રહેણાંક બિલ્ડીંગની મોકડ્રીલમાં ફાયર એન્ડ ઈમરજન્સી વિભાગના ઇન્ચાર્જ સ્ટેશન ઓફિસર શ્રી આર.પી.જોષી, ડ્રાઇવર કિરણભાઇ તથા ટ્રેનર સહિતના સ્ટાફ દ્વારા બિલ્ડીંગમાં લગાવવામાં આવેલ ફાયર સીસ્ટમ અને ફાયર સેફટીના સાધનોને આગ લાગે ત્યારે કઇ રીતે ઉપયોગ કરવો, શું કરવું અને શું ન કરવું જોઇએ તેમજ આગ બુઝાવવા માટેની ફાયર સીસ્ટમ અને સાધનો તથા ફાયર એક્ષ્સ્ટીંગ્યુસરનો ઉપયોગ કેવી રીતે કરવો, જાળવણી અને કઇ રીતે પોતાનો તથા અન્યનો બચાવ કરવો તે અંગે ચીફ ફાયર ઓફીસરશ્રી આઇ. વી. ખેર અને ડે.ચીફ ફાયર ઓફીસર શ્રી બી. જે. ઠેબાના સુપરવિઝન હેઠળ ફાયર સેફટી અંગે માર્ગદર્શન અને મોકડ્રીલનું આયોજન કરવામાં આવેલ હતું.