રાજકોટમાં પોતાને કલકી અવતાર કહેનાર રમેશ ફેફર ફરી વિવાદમાં, પોલીસે કરી અટકાયત, જુઓ

રાજકોટમાં પોતાની જાતને કલકી અવતાર ગણાવતા રાજકોટના રમેશચંદ્ર ફેફર ફરી વિવાદમાં છે. તેમણે ભગવાન પરશુરામ અંગે ટિપ્પણી કરતા વિવાદ સર્જાયો છે. આ ઉપરાંત તેમણે બ્રહ્મસમાજની રાક્ષસ સાથે સરખામણી કરતા બ્રહ્મસમાજમાં રોષ વ્યાપી ગયો છે તેમજ આ પહેલા પણ રમેશ ફેફર બફાટ કરી ચૂક્યો છે. તેણે ચંદ્રયાન-3ની સફળતા પર સવાલ ઉઠાવતા ચંદ્રયાનને તુત્છ ગણાવ્યું હતું. તેણે ચંદ્રયાન-3ને ભાજપનો ચૂંટણી પ્રચાર ગણાવ્યો હતો. ભૂતકાળમાં તે બાબા બાગેશ્વરને પણ ઢોંગી ગણાવી ચૂક્યો છે. ઉલ્લેખનીય છે કે રમેશ ફેફર ભૂતકાળમાં સરકારી અધિકારી હતો, પણ ત્યારબાદ અધ વચ્ચેથી જ નોકરી છોડી, રાજકોટ આવી ગયો હતો.