રાજકોટમાં છેલ્લા કેટલાક સમયથી ક્રિકેટ સટ્ટાનું મોટુ નેટવર્ક ચાલતુ હોવાની ચોક્કસ માહિતીના આધારે પોલીસ કમિશનરની સૂચનાથી ક્રાઈમ બ્રાન્ચે એસ્ટ્રોન ચોક પાસે આવેલી ઓફિસમાં તેમજ હનુમાન મઢી અને નવાગામ બસ સ્ટેન્ડ પાસે દરોડા પાડ્યા હતા. તેમજ ક્રિકેટ સટ્ટો રમાડતા શખસોને ઝડપી લઈ તેની પાસેથી રૂ. 11.65 લાખની રોકડ તેમજ માસ્ટર આઈડી મળી આવતા તેની ધરપકડ કરી વધુ પૂછપરછ કરતા મુખ્ય નેટવર્ક ચલાવતા અન્ય ત્રણ શખસોના નામ ખુલતા પોલીસે તેને ઝડપી લેવા વિશેષ કાર્યવાહી હાથ ધરી છે. જ્યાર પોલીસની કાર્યવાહીથી રાજકોટ શહેરના અન્ય બુકીઓમાં સોપો પડી જવા પામ્યો છે.ક્રાઈમ બ્રાન્ચની ટીમે એસ્ટ્રોન ચોકમાં દરોડો પાડી સુકેતુ ભુતા તેમજ હનુમાન મઢી પાસેથી ભાવેશ ખખ્ખર અને નવાગામ બસ સ્ટેન્ડ પાસેથી નિશાંત ચગને ક્રિકેટ સટ્ટો રમાડતા રંગેહાથ ઝડપી લઈ તેની પાસેથી રૂ.11.65 લાખની મતા કબજે કરી હતી. પોલીસની વધુ તપાસમાં પકડાયેલા શખસો પાસેથી ચેરી બેટ, મેઝીક ક્લિક અને ગો એક્ષચેન્જ નામની 3 માસ્ટર આઈડીઓ મળી આવી જેમાં કરોડોની લેતીદેતી સામે આવી છે.
