ફતેપુરા તાલુકામાં ગ્રામીણ વિસ્તારની પ્રજાને મુખ્ય રસ્તા જવા માટે અનેક સમસ્યાઓનો સામનો કરવો પડતો હતો જે બાબત ધ્યાને રાખીને ફતેપુરા વિધાનસભાના ધારાસભ્ય રમેશભાઈ કટારાએ નવીન ડામર રસ્તાઓ મંજૂર કરવા માટે રજૂઆત કરી હતી જેને રાજ્ય સરકારે મંજૂરી આપી હતી અને અંતરિયાળ વિસ્તારથી મુખ્ય માર્ગોને જોડવા તેમજ રાજસ્થાન રાજ્યને જોડતા રસ્તા સહિત કુલ 6.22 કરોડના ખર્ચે નવ રસ્તાઓને મંજૂરી આપી હતી. જેનું શનિવારના રોજ માર્ગ અને મકાન વિભાગ પંચાયત દ્વારા ખાતમુહૂર્ત કાર્યક્રમમાં કરવામાં આવ્યા હતા. જેમાં સાંસદ જશવંતસિંહ ભાભોર, ધારાસભ્ય રમેશભાઈ કટારા, જિલ્લા પંચાયત પ્રમુખ શીતલબેન વાઘેલા, જિલ્લા ભાજપ પ્રમુખ શંકરભાઈ અમલીયાર, જિલ્લા પંચાયતના સભ્યો, તાલુકા સભ્યો, તાલુકા ભાજપ મંડળના પ્રમુખ, મહામંત્રી, કાર્યકર્તાઓ તથા ગ્રામજનો મોટી સંખ્યામાં ઉપસ્થિત રહ્યા હતા. તેમજ આ કાર્યક્રમમાં ઘાણિકોટ થી ડામોર ફળિયા, ઘાણીકોટ થી નાની ઢઢેલી ના સીમાડા સુધી, રાવળ ના વરુણ કટારા ફળિયા, રૂપા ખેડા વાદી ફળિયા થી અસ્પુર સુધી, મોટીનાદુકાન થી કુપડા ડામોર ફળિયાને જોડતો રસ્તો, મોટીરેલ ગામોળ ફળિયા થી નાનીરેલ નીનકા પૂર્વ રોડ, પાટવેલ ગામે નિશાળ નાણાથી રાજસ્થાન બોર્ડર સુધી, ડુંગર મુખ્ય રસ્તાથી વિશ્વંભરી દરબાર સુધી, ના કુલ નવ રસ્તાઓ મંજૂર થતાં તેનું ખાતમુહૂર્ત સાંસદ જસવંતસિંહ ભાભોર અને ધારાસભ્ય રમેશભાઈ કટારાના હસ્તે કરવામાં આવ્યું હતું.
રીપોર્ટ કિશોર ડબગર
