કસ્તુરી હાઇટસ અને બોમ્બે સુપર – ૩ બિલ્ડીંગમાં સ્થાનિક રહેવાસીઓને ફાયર સેફ્ટી અંગે તાલીમ અપાઇ

રાજકોટ મહાનગર પાલિકા ફાયર અને ઈમરજન્સી સર્વિસીઝ દ્વારા રાજકોટ શહેર વિસ્તારમાં આવેલ હાઇરાઇઝ બિલ્ડીંગમાં લગાવવામાં આવતી ફાયર સેફટીના સાધનો જે બિલ્ડીંગમાં રહેતા લોકોને જાગૃતી માટે (૧) તા.૧૭/૦૬/૨૦૨૩ નાં રોજ કસ્તુરી હાઇટસ, અતિથી ચોક, અક્ષર માર્ગના છેડે, દાસી જીવણપરા પાસે, (૨) તા.૧૮/૦૬/૨૦૨૩ ના રોજ બોમ્બે સુપર – ૩, કુવાડવા રોડ રાજકોટ ખાતે ફાયર સેફટીની મોકડ્રીલનું આયોજન કરવામા આવેલ, આ મોકડ્રીલમાં (૧) તા.૧૭/૦૬/૨૦૨૩ ના રોજ કસ્તુરી હાઇટસ, અતિથી ચોક અક્ષર માર્ગના છેડા, દાસી જીવણપરા પાસે ખાતે અંદાજે ૨૫ રહેવાસીઓ (૨) તા.૧૮/૦૬/૨૦૨૩ ના રોજ બોમ્બે સુપર – ૩, કુવાડવા રોડ ખાતે અંદાજે ૨૫ રહેવાસીઓ જોડાયેલ. જે મોકડ્રીલમાં ફાયર એન્ડ ઈમરજન્સી વિભાગના (૧) તા.૧૭/૦૬/૨૦૨૩ ના રોજ કસ્તુરી હાઇટસ, અતિથી ચોક અક્ષર માર્ગના છેડા, દાસી જીવણપરા પાસે ખાતે સ્ટેશન ઓફિસર શ્રી આર.એ.જોબણ, ફાયરમેન નવજીતસિંહ, ઋતુરાજસિંહ, અજય પરમાર ડ્રાઇવર હેમંતસિંહ (૨) તા.૧૮/૦૬/૨૦૨૩ ના રોજ સ્ટેશન ઓફીસર શ્રી એફ.આઇ.લુવાની, ફાયરમેન ધૃવભાઇ ત્રિવેદી, અભયસિંહ, ભરતસિંહ ડ્રાઇવર રાજેશભાઇ તથા ટ્રેનર સહિતના સ્ટાફ દ્વારા બિલ્ડીંગમાં લગાવવામાં આવેલ ફાયર સીસ્ટમ અને ફાયર સેફટીના સાધનોને આગ લાગે ત્યારે કઇ રીતે ઉપયોગ કરવો, શું કરવું અને શું ન કરવું જોઇએ તેમજ આગ બુઝાવવા માટેની ફાયર સીસ્ટમ અને સાધનો તથા ફાયર એક્ષ્સ્ટીંગ્યુસરનો ઉપયોગ કેવી રીતે કરવો, જાળવણી અને કઇ રીતે પોતાનો તથા અન્યનો બચાવ કરવો તે અંગે ચીફ ફાયર ઓફીસરશ્રી આઇ. વી. ખેર અને ડે.ચીફ ફાયર ઓફીસર શ્રી બી. જે. ઠેબાના સુપરવિઝન હેઠળ ફાયર સેફટી અંગે માર્ગદર્શન અને મોકડ્રીલનું આયોજન કરવામાં આવેલ હતું.