રાજ્ય પોલીસવડા વિકાસ સહાય દ્વારા નવીન પોલીસ હેડક્વાર્ટરનું લોકાર્પણ કરવામાં આવ્યું હતું, જેમાં આરપીઆઈ કચેરી, એમટી સેક્શન, માઉન્ટેડ કચેરી, ઘાસ ગોડાઉન, ડોગ કેનાલ તેમજ હોર્સ સ્ટેબલનો સમાવેશ થાય છે. તેમજ અંદાજે 15 કરોડ રૂપિયાના ખર્ચે તૈયાર કરવામાં આવેલા પોલીસ હેડ ક્વાર્ટરની ખુલ્લું મુકતા રાજ્ય પોલિસ વડાએ ખુશી વ્યક્ત કરી હતી. આ સાથે જ SP કચેરી ખાતે ઉચ્ચ અધિકારીઓ સાથે ક્રાઈમ કૉન્ફરન્સ પણ યોજી હતી. અરવલ્લી જિલ્લાની મુલાકાતે પહોંચેલા રાજ્ય પોલીસે વડાને ગાર્ડ ઓફ ઓનર આપીને સ્વાગત સાથે સન્માનિત કરવામાં આવ્યા હતા. તેમજ વિવિધ લોકાર્પણના કાર્યક્રમો પૂર્ણ કરીને ડીજીપી વિકાસ સહાય અરવલ્લી એસપી કચેરી પહોંચ્યા હતા જ્યાં ઉચ્ચ અધિકારીઓ સાથે ક્રાઈમ કોન્ફરન્સમાં જોડાયા હતા. જેમાં અરવલ્લી જિલ્લામાં ક્રાઈમને લગતી જરૂરી માહિતી મેળવી હતી સાથે જ રાજસ્થાનમાં યોજનારી વિધાનસભાની ચૂંટણીને લઈને પણ ચર્ચા વિચારણા કરવામાં આવી હતી..
ઋતુલ પ્રજાપતિ
અરવલ્લી
