ભારતના ૭૭માં સ્વાતંત્ર્ય દિવસની ઉજવણી નિમિત્તે ચૌધરી હાઇ સ્કૂલ ખાતે યોજાયો શહેર કક્ષાનો ધ્વજવંદન કાર્યક્રમ…

ભારતના ૭૭માં સ્વાતંત્ર્ય દિવસની ઉજવણી નિમિત્તે રાજકોટ જિલ્લા વહીવટી તંત્ર દ્વારા જિલ્લા નિવાસી અધિક કલેકટર એસ. જે. ખાચરના અધ્યક્ષસ્થાને શહેર કક્ષાનો ધ્વજવંદન કાર્યક્રમ યોજાયો હતો. આ કાર્યક્રમમાં રાષ્ટ્રગાન બાદ અધિક કલેકટરના હસ્તે ધ્વજારોહણ કરી, રાષ્ટ્રધ્વજને આન, બાન અને શાન સાથે સલામી અપાઈ હતી. બીજી તરફ ફુલછાબ ચોકમાં સ્વાતંત્ર્ય દિવસની અનોખી ઉજવણી કરવામાં આવી હતી. જેમાં હિન્દુ-મુસ્લિમ સમાજ દ્વારા સાથે મળીને ધ્વજવંદન કરવામાં આવ્યું હતું. આ તકે હિંદુ અને મુસ્લિમ આગેવાનોએ જણાવ્યું  કે, આજનો દિવસ શહિદોના નમનનો દિવસ છે. અને તિરંગો હંમેશા ભાઇચારાનો સંદેશ આપે છે.