રાજકોટ શહેરની પીડીયુ સિવિલ હોસ્પિટલ છાશવારે ચર્ચાને ચક્રડોળે ચડે છે .આજે સવારે પોસ્ટમોર્ટમ રૂમ પાસે આવેલા ખંઢેર જેવા પડતર ટોયલેટમાં એવી ઘટના બની હતી કે જેની ચર્ચા ચારેકોર થઈ હતી, એક જ ટોયલેટમાં બબ્બે લોકો ઘૂસી જતાં પોસ્ટમોર્ટમ રૂમના કર્મચારીને શંકા ઉપજી હતી. તેમજ દરવાજો ખખડાવતાં અંદરથી અવાજ આવ્યો હતો …નિરાંતે હાજત પણ કરવા દેતાં નથી… તેમજ દરવાજો ખખડાવનારે એક હારે બબ્બે જણા અંદર શું કરો છો? એવું પૂછતાં તરત જ દરવાજો ખોલી મોટી ઉંમરના એક વ્યક્તિ અંદરથી બહાર નીકળ્યા હતાં અને અંદર કોઈ નથી, જોઈ લ્યો હું એક જ હતો…એવું બોલી ભાગ્યા હતાં. તેમજ એ પછી બીજો એક છોકરો પણ નીકળ્યો હતો. તેણે પોતાને ઓલાબાપા અંદર લઈ ગયા તા એવું કહ્યું હતું. એ પછી એ પણ પડ છોડાવી ભાગ્યો હ તો . ખંઢેર જેવા આ ટોયલેટમાં એક સાથે બબ્બે લોકો ઘુસી ગયાની વાતે હોસ્પિટલ કેમ્પસમાં ચર્ચાના ચગડોળે ચડી હતી.
